భద్రాచలం అటవీ శాఖ అధికారులకు ఏసీబీ వల: రూ. 3.5 లక్షల లంచం

చర్ల మండలంలో రోడ్డు పనుల సందర్భంగా కొన్ని చెట్లు దెబ్బతినడంతో, ఆ సంఘటనపై చర్యలు తీసుకోకుండా ఉండేందుకు ఎఫ్.డి.ఓ సుజాత భారీ మొత్తంలో లంచం డిమాండ్ చేసినట్లు ఏసీబీ అధికారులు తెలిపారు. ఈ క్రమంలో, గురువారం రూ. 3.5 లక్షలు తీసుకుంటుండగా, చర్ల ఇంచార్జ్ డి.ఆర్.ఓ కృష్ణయ్యతో కలిసి సుజాతను ఏసీబీ డి.ఎస్.పి వై. రమేష్ బృందం అరెస్ట్ చేసింది.

ఏసీబీ అధికారులు ఈ కేసులో లోతుగా దర్యాప్తు చేస్తున్నారు. అటవీ శాఖలో అవినీతికి పాల్పడుతున్న అధికారులపై కఠిన చర్యలు తీసుకుంటామని అధికారులు తెలిపారు.

ఈ ఏడాది భద్రాద్రి కొత్తగూడెం జిల్లాలో అటవీ శాఖ అధికారులపై ఏసీబీ దాడులు జరగడం ఇది మూడవ సంఘటన. ఇది జిల్లాలో అటవీ శాఖ అధికారుల పనితీరుపై ప్రశ్నలు లేవనెత్తుతోంది.