శ్రీలంక రాజధాని కొలంబోలో జరుగుతున్న తొలి బిమ్స్టెక్ ఆరోగ్య మంత్రుల సమావేశంలో భారత ఆరోగ్య మంత్రి జేపీ నడ్డా పాల్గొన్నారు. ఈ సమావేశం ప్రాంతీయ ఆరోగ్య సహకారాన్ని బలోపేతం చేయడంపై దృష్టి సారించింది.
భారత ఆరోగ్య మంత్రి జేపీ నడ్డా శ్రీలంక రాజధాని కొలంబోలో జరుగుతున్న తొలి బిమ్స్టెక్ ఆరోగ్య మంత్రుల సమావేశంలో పాల్గొన్నారు. ఈ సమావేశంలో ప్రాంతీయ ఆరోగ్య సహకారాన్ని బలోపేతం చేయడం, ప్రజారోగ్య సమస్యలను సమష్టిగా ఎదుర్కోవడం, ఆరోగ్య సేవల్లో అనుభవాలు, సాంకేతిక పరిజ్ఞానాన్ని పరస్పరం పంచుకోవడం వంటి అంశాలపై చర్చలు జరగనున్నాయి. సంప్రదాయ వైద్యం, క్యాన్సర్ చికిత్స, వ్యాధుల పర్యవేక్షణ, ఆరోగ్య అత్యవసర పరిస్థితులను ఎదుర్కొనే సామర్థ్యాన్ని పెంపొందించడం కూడా చర్చాంశాలుగా ఉన్నాయి. బిమ్స్టెక్ దేశాలతో ఆరోగ్య రంగంలో భాగస్వామ్యాన్ని మరింత విస్తరించేందుకు భారత్ కట్టుబడి ఉందని నడ్డా తెలిపారు.