రాజకీయ ప్రభంజనం: ఐసీసీ చైర్మన్ జై షాకు నారా లోకేష్ జన్మదిన శుభాకాంక్షలు

క్రికెట్ పరిపాలనలో జై షా సాగించిన విశేష ప్రయాణం అభినందనీయమని పేర్కొన్న నారా లోకేష్, భారీ బాధ్యతలను నిర్వర్తిస్తున్నప్పటికీ ఆయనలో కనిపించే వినయం, ఆత్మీయత, నిరాడంబరత తనను వ్యక్తిగతంగా ఎంతో ఆకట్టుకుంటాయని తెలిపారు.

క్రికెట్ పరిపాలనలో జై షా మరింత ఉన్నత స్థాయికి ఎదగాలని, ప్రపంచవ్యాప్తంగా క్రికెట్ను మరింత అభివృద్ధి చేసేందుకు ఆయన చేస్తున్న కృషి విజయవంతం కావాలని నారా లోకేష్ ఆకాంక్షించారు.

జై షాకు ఆరోగ్యం, ఆనందం, సంతోషం, నిరంతర విజయాలు కలగాలని నారా లోకేష్ కోరారు. రాబోయే ఏడాది ఆయన జీవితంలో మరిన్ని విజయాలు, శుభసందర్భాలు తీసుకురావాలని ఆకాంక్షిస్తూ జన్మదిన శుభాకాంక్షలు తెలిపారు.