రాజకీయ ప్రభంజనం: నీతా అంబానీతో కలిసి గర్బా ఆడిన రణ్వీర్ సింగ్.. ముంబై వేడుకలో వైరల్ వీడియో

నీతా అంబానీ, ఇషా అంబానీతో పాటు పలువురు అతిథులతో కలిసి రణ్వీర్ సంప్రదాయ గర్బా నృత్యంలో పాల్గొన్నారు. ఈ వేడుకకు రణ్వీర్ సింగ్ ప్రత్యేకమైన సంప్రదాయ దుస్తుల్లో హాజరయ్యారు. పూల ఎంబ్రాయిడరీతో అలంకరించిన గులాబీ రంగు జాకెట్, దానికి సరిపోయే కుర్తా, తెల్లటి ప్యాంటు ధరించారు. డైమండ్ స్టడ్స్, రంగులద్దాలు ఆయన రూపానికి ప్రత్యేక ఆకర్షణగా నిలిచాయి.

వేడుకలో ఉత్సాహంగా పాల్గొంటూ నీతా అంబానీ, ఇషా అంబానీతో కలిసి గర్బా ఆడిన వీడియోలు నెటిజన్ల దృష్టిని ఆకర్షించాయి. ఈ కార్యక్రమానికి ఆతిథ్యం ఇచ్చిన నీతా అంబానీ మజెంటా రంగు బనారసీ చీరలో కనిపించారు. బంగారు జరీ పూల డిజైన్లు, అందమైన అంచులు, ప్రత్యేకమైన పల్లూ చీరకు మరింత ఆకర్షణను తెచ్చాయి. బంగారు ఎంబ్రాయిడరీతో రూపొందించిన బ్లౌజ్తో ఆమె సంప్రదాయ రూపంలో మెరిశారు.

సినీ ప్రముఖుల సందడి

స్వదేశ్ ఈరోస్ తొలి వార్షికోత్సవం సందర్భంగా జరిగిన ఈ వేడుకలో బాలీవుడ్కు చెందిన పలువురు ప్రముఖులు పాల్గొన్నారు. ఆమిర్ ఖాన్, గౌరీ ఖాన్, కృతి సనన్, రష్మిక మందన్న, సారా అలీ ఖాన్, షానయా కపూర్, మనీష్ మల్హోత్రా, అదితి రావు హైదరి తదితరులు హాజరయ్యారు. ప్రముఖులు భారతీయ సంప్రదాయ దుస్తుల్లో సందడి చేయడంతో వేడుక పండుగ వాతావరణాన్ని సంతరించుకుంది.

భారతీయ కళలు, చేనేత వస్త్రాలు, హస్తకళలు, సంప్రదాయ కళాకారుల ప్రతిభను ప్రోత్సహించడమే స్వదేశ్ కార్యక్రమాల ప్రధాన లక్ష్యం. రిలయన్స్ ఫౌండేషన్ ఆధ్వర్యంలో జరిగిన ఈ వేడుకలో భారతీయ సంస్కృతి, సంప్రదాయాలు, దేవీశక్తి ప్రాధాన్యాన్ని ప్రతిబింబించే కార్యక్రమాలకు ప్రాధాన్యతనిచ్చారు.

నీతా అంబానీ, రణ్వీర్ సింగ్ కలిసి గర్బా ఆడిన వీడియో ఈ వేడుకలో ప్రత్యేక ఆకర్షణగా నిలిచింది. సంప్రదాయ నృత్యం, భారతీయ వస్త్రధారణ, సినీ ప్రముఖుల సందడితో ఈ కార్యక్రమానికి సంబంధించిన చిత్రాలు, వీడియోలు సామాజిక మాధ్యమాల్లో చర్చనీయాంశమయ్యాయి.