అంతర్జాతీయ మహిళా దినోత్సవాన్ని పురస్కరించుకుని దమ్మపేట గ్రామంలో అంగన్వాడీ మరియు ఆశా వర్కర్లకు ఘనంగా సన్మాన కార్యక్రమం నిర్వహించారు. గ్రామ సర్పంచ్ పగడాల రమాదేవి ఆధ్వర్యంలో జరిగిన ఈ కార్యక్రమం ఎంతో ఉత్సాహంగా సాగింది.
గ్రామంలోని అంగన్వాడీ మరియు ఆశా వర్కర్లు గ్రామ ప్రజల ఆరోగ్యం, శిశు సంరక్షణ, గర్భిణీ స్త్రీల ఆరోగ్య పరిరక్షణ వంటి అనేక కీలక సేవలను నిరంతరం అందిస్తున్నారని సర్పంచ్ పగడాల రాంబాబు తెలిపారు. గ్రామ అభివృద్ధిలో మహిళల పాత్ర గొప్పదని, వారి సేవలు అమూల్యమని ఆయన ప్రశంసించారు.
సర్పంచ్ రమాదేవి మాట్లాడుతూ, మహిళలు సమాజానికి వెన్నెముకలా నిలుస్తారని, గ్రామస్థాయిలో ఆరోగ్య సేవలను ప్రజలకు చేరవేయడంలో అంగన్వాడీ, ఆశా వర్కర్లు కీలక పాత్ర పోషిస్తున్నారని తెలిపారు. వారి సేవలను గౌరవించాలనే ఉద్దేశంతో ఈ సన్మాన కార్యక్రమాన్ని నిర్వహించినట్లు ఆమె చెప్పారు.
ఈ సందర్భంగా అంగన్వాడీ మరియు ఆశా వర్కర్లకు శాలువాలు కప్పి సత్కరించారు. వారి సేవలను కొనియాడుతూ గ్రామ పెద్దలు, ప్రజాప్రతినిధులు అభినందనలు తెలిపారు. కార్యక్రమంలో గాజుబోయిన పద్మ, భోగి రమణ, విజయలక్ష్మి, నారాయణమ్మ, రమణ, అలివేలు, రజిని, గౌసియా, ధనలక్ష్మి తదితరులు పాల్గొన్నారు.
ఈ కార్యక్రమంలో గ్రామంలోని మహిళలు, యువత, ప్రజలు పెద్ద సంఖ్యలో పాల్గొని మహిళా దినోత్సవాన్ని ఘనంగా జరుపుకున్నారు. మహిళల సేవలను గుర్తించి గౌరవించడం ప్రతి ఒక్కరి బాధ్యత అని తెలిపారు.