తెలంగాణ రెడ్డి సంఘం రాష్ట్ర యువజన విభాగం ఉపాధ్యక్షుడిగా మండలం పెదవీడు గ్రామానికి చెందిన గాయం సైదిరెడ్డి నియమితులయ్యారు. హైదరాబాద్ చంపాపేటలోని సంఘం రాష్ట్ర ప్రధాన కార్యాలయంలో జరిగిన కార్యక్రమంలో ఆయనకు నియామక పత్రాన్ని అందజేసి అభినందనలు తెలిపారు.
హైదరాబాద్ చంపాపేటలోని తెలంగాణ రెడ్డి సంఘం రాష్ట్ర ప్రధాన కార్యాలయంలో ఆదివారం జరిగిన కార్యక్రమంలో, సంఘం రాష్ట్ర నాయకులు గాయం సైదిరెడ్డికి నియామక పత్రాన్ని అందజేసి అభినందనలు తెలిపారు.
ఈ సందర్భంగా గాయం సైదిరెడ్డి మాట్లాడుతూ తనపై నమ్మకం ఉంచి రాష్ట్ర యువజన విభాగం ఉపాధ్యక్షుడిగా బాధ్యతలు అప్పగించినందుకు సంఘం రాష్ట్ర అధ్యక్షుడు బద్దూరి వెంకటేశ్వర్రెడ్డి, రాష్ట్ర ఆర్గనైజింగ్ సెక్రటరీ కొట్టం మధుసూదన్రెడ్డి, రాష్ట్ర యువజన అధ్యక్షుడు కిరణ్కుమార్రెడ్డితో పాటు సంఘం నాయకులు, రెడ్డి బంధువులకు కృతజ్ఞతలు తెలిపారు. తనకు అప్పగించిన బాధ్యతలను సమర్థవంతంగా నిర్వహించేందుకు కృషి చేస్తానని చెప్పారు.
ఆర్థికంగా వెనుకబడిన పేద రెడ్డి కుటుంబాల సంక్షేమానికి ప్రాధాన్యం ఇస్తానని గాయం సైదిరెడ్డి తెలిపారు. ముఖ్యంగా ఆర్థికంగా వెనుకబడిన కుటుంబాలకు అందుబాటులో ఉన్న ప్రభుత్వ సంక్షేమ పథకాలపై అవగాహన కల్పించేందుకు కృషి చేస్తానని ఆయన తెలిపారు.
ఈడబ్ల్యూఎస్ రిజర్వేషన్లపై అర్హులకు అవగాహన కల్పించడం, రెడ్డి కార్పొరేషన్ ఏర్పాటు కోసం కృషి చేయడం, విదేశీ విద్యను అభ్యసించాలనుకునే విద్యార్థులకు అవసరమైన సహాయం అందేలా చర్యలు తీసుకోవడం వంటి అంశాలపై దృష్టి సారిస్తానని గాయం సైదిరెడ్డి పేర్కొన్నారు.
అలాగే, పేద రెడ్డి కుటుంబాలు ఎదుర్కొంటున్న సమస్యలను గుర్తించి, వాటిని ప్రభుత్వం, సంబంధిత అధికారుల దృష్టికి తీసుకెళ్లి పరిష్కారానికి కృషి చేస్తానని గాయం సైదిరెడ్డి తెలిపారు. ఆర్థికంగా వెనుకబడిన కుటుంబాలకు అండగా నిలవడంతో పాటు, తెలంగాణ రెడ్డి సంఘం ఐక్యత, బలోపేతం, అభివృద్ధి కోసం సంఘం రాష్ట్ర నాయకత్వంతో కలిసి పనిచేస్తానని ఆయన తెలిపారు.
తనకు అప్పగించిన కొత్త బాధ్యతను సమర్థవంతంగా నిర్వహిస్తూ, సంఘం లక్ష్యాల సాధనకు కృషి చేస్తానని గాయం సైదిరెడ్డి స్పష్టం చేశారు. రాష్ట్ర యువజన విభాగం ఉపాధ్యక్షుడిగా ఆయన నియామకంపై సంఘం నాయకులు, కార్యకర్తలు హర్షం వ్యక్తం చేస్తూ శుభాకాంక్షలు తెలిపారు.
