మణుగూరులోని తన క్యాంపు కార్యాలయంలో ముఖ్యమంత్రి సహాయ నిధి (సీఎంఆర్ఎఫ్) నుంచి మంజూరైన ఆర్థిక సహాయం చెక్కును ఎమ్మెల్యే పాయం వెంకటేశ్వర్లు లబ్ధిదారునికి అందజేశారు. అనారోగ్యంతో బాధపడుతున్న పినపాక మండలం జనంపేట గ్రామానికి చెందిన బలుగురి నాగేశ్వరరావుకు ఈ చెక్కును అందించారు.
పినపాక శాసనసభ్యులు పాయం వెంకటేశ్వర్లు మణుగూరులోని తన క్యాంపు కార్యాలయంలో 'మీడియా టుడే జాతీయ దిన పత్రిక' 2026 నూతన సంవత్సర క్యాలెండర్ను ఆవిష్కరించారు. ఈ సందర్భంగా ఆయన మీడియాని నిరంతరం సమాజ హితం కోసం పాటుపడాలని సూచించారు.
రాష్ట్రస్థాయిలో దివ్యాంగ విద్యార్థుల కోసం మంగళవారం నిర్వహించిన క్రీడా పోటీలలో మన భవిత స్కూల్ విద్యార్థులు సత్తా చాటారు. లెమన్ అండ్ స్పూన్ విభాగంలో రెండు, మూడు స్థానాలను కైవసం చేసుకున్నారు.
పినపాక మండలం, కొత్తరెడ్డిపాలెం గ్రామంలో విద్యుత్ షాక్తో ఒక గేదె మృతి చెందడం స్థానికంగా కలకలం రేపింది. ప్రధాన రహదారి పక్కన ఉన్న ట్రాన్స్ఫార్మర్ ఎర్తును తాకిన గేదె అక్కడికక్కడే మృతి చెందింది.
మణుగూరు ఏరియా సింగరేణి ఫైనాన్స్ అండ్ అకౌంట్స్ విభాగం హెచ్ఓడీగా బాధ్యతలు చేపట్టిన పసుల రమేష్ను సింగరేణి కాంట్రాక్ట్ కార్మికులు ఘనంగా సన్మానించారు. ఈ సందర్భంగా కార్మికులు ఆయనకు శాలువా కప్పి, తమ అభిమానాన్ని చాటుకున్నారు.
మణుగూరులోని బిటిపిఎస్ (భద్రాచలం థర్మల్ పవర్ స్టేషన్) వద్ద సిఐటియు ఆధ్వర్యంలో కాంట్రాక్ట్ కార్మికులు తమ ఆరు నెలల బకాయి వేతనాలను చెల్లించాలని డిమాండ్ చేస్తూ ధర్నా చేపట్టారు.
కరకగూడెం మండలం బర్దారం గ్రామంలో శ్రీ జ్వాలా లక్ష్మీనరసింహ స్వామి వారి దేవస్థానం వార్షిక బ్రహ్మోత్సవాలు మార్చి 03 నుండి మార్చి 08, 2026 వరకు నిర్వహించబడనున్నాయి. ఈ సందర్భంగా ఆలయ అధికారులు, ఉత్సవ కమిటీ సభ్యులు ఎమ్మెల్యే పాయం వెంకటేశ్వర్లును కలిసి ఆహ్వానం అందజేశారు.
దుమ్ముగూడెం మండలంలో ధ్వంసమైన రహదారుల పునరుద్ధరణ పనులు చేపట్టేంతవరకు ఇసుక లారీలను నిలిపివేయాలని అఖిలపక్షం ఆధ్వర్యంలో నిరసన కార్యక్రమం జరిగింది. ఈ మేరకు మహాధర్నా నిర్వహించారు.
భీమా డబ్బులు కాజేసేందుకు స్నేహితులు కలిసి ఒకరిపై హత్యాయత్నం చేసిన ఘటన బూర్గంపాడు మండలం మోతే వద్ద చోటుచేసుకుంది. ఈ కేసులో ఇద్దరు నిందితులను పోలీసులు అరెస్ట్ చేశారు.
భద్రాద్రి కొత్తగూడెం జిల్లా గ్రంథాలయ సంస్థ చైర్మన్ పసుపులేటి వీరబాబు, వైరా ఎమ్మెల్యే రాందాస్ నాయక్ను మర్యాదపూర్వకంగా సమావేశమయ్యారు. ఈ సందర్భంగా పలు అభివృద్ధి కార్యక్రమాలపై చర్చించారు.
పినపాక ప్రెస్ క్లబ్ ఆధ్వర్యంలో జర్నలిస్ట్ కప్ 2026 క్రికెట్ టోర్నమెంట్ ఫిబ్రవరి 25వ తేదీ నుండి మణుగూరులోని ఎల్చిరెడ్డిపల్లి క్రికెట్ గ్రౌండ్ లో ప్రారంభం కానుంది. ఈ టోర్నమెంట్ ప్రారంభోత్సవానికి పినపాక శాసనసభ్యులు పాయం వెంకటేశ్వర్లు, మణుగూరు డిఎస్పీ రవీందర్ రెడ్డి ముఖ్య అతిథులుగా హాజరుకానున్నారు.
మణుగూరులోని నీలకంఠేశ్వర స్వామి ఆలయంలో శివరాత్రి సందర్భంగా భక్తులు సమర్పించిన కానుకల లెక్కింపు పూర్తయింది. హుండీ, ఇతర ఆదాయ మార్గాల ద్వారా ఆలయానికి రూ. 3,43,444 ఆదాయం వచ్చినట్లు అధికారులు వెల్లడించారు.
టేకులపల్లి శాఖా గ్రంథాలయంలో పుస్తక పఠనంపై ఆసక్తిని పెంచేందుకు నిర్వహించిన పుస్తక ప్రియుల పాదయాత్రలో, గ్రంథాలయాలను సద్వినియోగం చేసుకోవాలని పలువురు వక్తలు పిలుపునిచ్చారు. జిల్లా గ్రంథాలయ సంస్థ చైర్మన్ పసుపులేటి వీరబాబు ఈ పాదయాత్రను ప్రారంభించారు.
కరకగూడెం మండలం, కరకగూడెం గ్రామపంచాయతీ పరిధిలోని మోతే గ్రామంలో ప్రజల సౌకర్యార్థం, మంచి నీటి అవసరాల నిమిత్తం నూతన హ్యాండ్ బోర్ పనులను బుధవారం ప్రారంభించారు. ఎన్నికల్లో ఇచ్చిన హామీలలో భాగంగా ఈ చర్యలు చేపట్టారు.
మణుగూరు మున్సిపాలిటీ పరిధిలోని కమలాపురం గ్రామస్తులు, రైతులు ఇసుక లారీల రాకపోకలతో ఎదుర్కొంటున్న సమస్యలపై మంగళవారం స్థానిక అధికారులకు వినతిపత్రం అందజేశారు. రహదారి ఆక్రమణ, దుమ్ము, ప్రమాదకర పరిస్థితులపై ఆవేదన వ్యక్తం చేశారు.
మణుగూరు మండలం, సమితి సింగారం గ్రామపంచాయతీ పరిధిలో, మణుగూరు-ఎటునాగారం ప్రధాన రహదారిపై ఉన్న సెంట్రల్ లైటింగ్ పోల్ ప్రమాదవశాత్తు విరిగిపోగా, గ్రామపంచాయతీ సిబ్బంది వెంటనే స్పందించి మరమ్మత్తులు చేపట్టారు.
పినపాక నియోజకవర్గంలో రాబోయే వేసవిలో తాగునీటి సమస్య తలెత్తకుండా అన్ని చర్యలు తీసుకోవాలని ఎమ్మెల్యే పాయం వెంకటేశ్వర్లు సంబంధిత అధికారులను ఆదేశించారు. మణుగూరులో ఆర్డబ్ల్యూఎస్, మిషన్ భగీరథ అధికారులతో నిర్వహించిన సమీక్షా సమావేశంలో ఆయన ఈ మేరకు సూచనలు చేశారు.
భద్రాద్రి కొత్తగూడెం జిల్లా, అశ్వాపురం మండలంలో విషాదకర సంఘటన చోటుచేసుకుంది. రెండేళ్ల క్రితం జరిగిన అగ్నిప్రమాదంలో రెండు కాళ్లు కోల్పోయిన యువకుడు, అనారోగ్యంతో బాధపడుతున్న అతని తల్లికి వైద్యం చేయించుకునే స్తోమత లేక దాతల సహాయం కోసం ఎదురుచూస్తున్నారు.
దమ్మపేట మండలం గట్టుగూడెం గ్రామ శివారులోని గుట్టపై శివలింగం దర్శనమిచ్చింది. అటవీశాఖ అధికారులు భక్తులను అడ్డుకుంటున్నారనే ఆరోపణల నేపథ్యంలో, బీజేపీ, హిందూ సంఘాల నాయకులు గ్రామస్థులకు మద్దతుగా నిలిచి, శివయ్యకు పూజలు నిర్వహించారు.
హైదరాబాద్లో న్యాయవాది మహమ్మద్ ఖదీర్ దారుణ హత్యకు నిరసనగా, కొత్తగూడెం బార్ అసోసియేషన్ న్యాయవాదులు సోమవారం విధులు బహిష్కరించారు. న్యాయవాదుల రక్షణ చట్టాన్ని తక్షణమే అమలు చేయాలని వారు డిమాండ్ చేశారు.
