భద్రాద్రి కొత్తగూడెం జిల్లా, మండల కేంద్రంలోని ఎస్సీ కాలనీలో 20వ వినాయక చవితి ఉత్సవాలు గురువారం వైభవంగా జరిగాయి. ఈ సందర్భంగా ఎస్ కే టి గ్రూప్ ఆఫ్ డైరెక్టర్ దోసపాటి పిచ్చేశ్వరరావు వినాయకుని దర్శించుకుని, ప్రత్యేక పూజల్లో పాల్గొన్నారు.
ఉత్సవాల్లో భాగంగా వినాయక చవితి ఉత్సవ కమిటీ నిర్వహించిన లక్కీ డ్రా కార్యక్రమంలో దోసపాటి పిచ్చేశ్వరరావు పాల్గొని, విజేతలకు బహుమతులు అందజేశారు. ఈ సందర్భంగా కమిటీ సభ్యులు ఆయనను ఘనంగా సన్మానించారు. ప్రతి సంవత్సరం ఎస్సీ కాలనీలోని గణనాథుడికి ఆర్థిక సాయం అందిస్తున్న దోసపాటి పిచ్చేశ్వరరావు, ఈసారి కమిటీకి 9 చీరలను బహుకరించారు. గణనాథుడి కృపాకటాక్షాలతో ప్రజలందరూ సుఖ సంతోషాలతో, ఆయురారోగ్యాలతో జీవించాలని ఆయన ఆకాంక్షించారు.
ఈ కార్యక్రమంలో గద్దల రామకృష్ణ, చుంచు రామ్మూర్తి, ఇసంపల్లి కృష్ణ, మణుగూరు బార్ అసోసియేషన్ అధ్యక్షుడు గురుకృష్ణ, శెట్టిపల్లి భాస్కర్, ప్రవీణ్, మురికిపూడి అశోక్, మడిపల్లి రమేష్, ప్రవీణ్, అరసవల్లి పవన్, మిర్యాల బాలకృష్ణ, ఏంపల్లి వెంకన్న, మురికిపూడి రాజేష్, వల్లపోగి సాంబ, గ్రామ పెద్దలు, యువత, మహిళలు పెద్ద సంఖ్యలో పాల్గొన్నారు. అనంతరం పురవీధుల్లో గణనాథుడి శోభాయాత్ర అంగరంగ వైభవంగా కొనసాగుతుందని వినాయక చవితి ఉత్సవ కమిటీ ప్రతినిధులు తెలిపారు.
