ఖమ్మం రీజియన్ పరిధిలోని గిరిజన సంక్షేమ గురుకుల విద్యాలయాలలో 2026-27 విద్యా సంవత్సరానికి తాత్కాలిక గెస్ట్ ఫ్యాకల్టీ నియామకం కోసం సిద్ధం చేసిన తాత్కాలిక మెరిట్ జాబితాలపై అభ్యంతరాలను స్వీకరిస్తున్నట్లు ఐటీడీఏ ప్రాజెక్టు అధికారి బి.రాహుల్ తెలిపారు. అర్హులైన అభ్యర్థులు తమ అభ్యంతరాలను ఆధారాలతో సహా లోపు సమర్పించాలని ఆయన సూచించారు.
గిరిజన సంక్షేమ గురుకుల విద్యాలయాలలో తాత్కాలిక ప్రాతిపదికన బోధన (గెస్ట్ ఫ్యాకల్టీ) నియామకానికి సంబంధించి అభ్యర్థుల నుండి స్వీకరించిన దరఖాస్తులను పరిశీలించి, అందుబాటులో ఉన్న రికార్డుల ఆధారంగా తాత్కాలిక మెరిట్ జాబితాలు ( ) సిద్ధం చేసినట్లు ఐటీడీఏ ప్రాజెక్టు అధికారి బి.రాహుల్ ఒక ప్రకటనలో తెలిపారు.
సంబంధిత పోస్టులకు దరఖాస్తు చేసుకున్న అభ్యర్థులు ఈ తాత్కాలిక మెరిట్ జాబితాలను పరిశీలించి, తమ పేరు, విద్యార్హతలు, మెరిట్// పీహెచ్డీ లేదా ఇతర సంబంధిత వివరాలలో ఏవైనా అభ్యంతరాలు లేదా తప్పులు ఉన్నట్లయితే, తగిన ఆధారాలతో తమ అభ్యంతరాలను సమర్పించవలసిందిగా ఆయన కోరారు.
అభ్యంతరాల స్వీకరణ గడువు మరియు విధానం
అభ్యంతరాలను తేదీ 07-10-2026 వరకు కార్యాలయ పనిదినాలలో, ప్రాంతీయ సమన్వయ అధికారి కార్యాలయం (గురుకులం), ఐటీడీఏ, భద్రాచలం నందు నేరుగా సమర్పించవలసి ఉంటుందని తెలిపారు. అభ్యంతరాలను సమర్పించే అభ్యర్థులు తమ అభ్యంతరానికి సంబంధించిన ధ్రువపత్రాల నకళ్లను తప్పనిసరిగా జతపరచాలని సూచించారు.
నిర్ణీత గడువు అనంతరం అందిన అభ్యంతరాలను పరిగణనలోకి తీసుకోబడవని, అందిన అభ్యంతరాలను పరిశీలించిన అనంతరం, అర్హత మరియు సంబంధిత నియామక నిబంధనల ప్రకారం తదుపరి చర్యలు చేపట్టబడతాయని ఆయన స్పష్టం చేశారు.
ఇతర వివరములకు అభ్యర్థులు చరవాణి నంబర్ 8500136628 ను సంప్రదించాలని సూచించారు. ఈ ప్రకటన అదనపు పౌర సంబంధాల అధికారి కార్యాలయం, భద్రాచలం నుండి జారీ చేయబడింది.
